DAGSKRÁ.

Fyrir hvern?

Þjálfunin er einstaklingsmiðuð og hentar því byrjendum sem og lengra komnum. Í því felst að reglulega er grunntæknin rifjuð upp og sett í samhengi til þess að þjálfa upp vöðvaminni. Iðkendur fá svo tækifæri til þess að byggja ofan á undirstöðuatriði á sínum hraða.

Lethwei gerir engar kröfur um afburðargott líkamlegt þol. Æfingarnar eru þó krefjandi og láta þarf þjálfara vita af meiðslum, veikindum og þess háttar áður en þjálfun er hafin.

Umsækjendur þurfa að hafa hreina sakarskrá og að hafa náð lögaldri. Einstaklingar undir 18 ára geta þó samið við þjálfara um að fá að mæta á æfingar gegn skriflegu samþykki foreldris / forráðamanns.

​

Dagskrá 

Hver æfing samanstendur af upphitun, tæknilegri þjálfun, hagnýtingu á slíkri tækni og teygjum. Hagnýtingin felur í sér "sparr" þar sem tveir einstaklingar eru paraðir saman í þeim tilgangi að prófa sig áfram og nýta tæknina í bardaga. Um er að ræða létta snertingu þar sem markmiðið er aldrei að "sigra" æfingafélagann heldur byggja upp traust og öðlast virðingu viðkomandi. Strangt er tekið á framkomu sem byggir ekki á heiðarleika, velsæmi og ábyrgð á meðan þjálfun stendur.

​

Búnaður

Grunnbúnaður fylgir aðstöðunni og því ekki krafa um að verða sér úti um ákveðinn búnað fyrir æfingar. Engum er þó hleypt í sparr án góms (e. mouthgard) og er það á ábyrgð iðkenda að verða sér úti um slíkan búnað.

​