Fyrir hvern?

Fjölbreytt og einstaklingsmiðuð kennsla sem hentar bæði byrjendum og lengra komnum. Aðallega sniðin að þeim sem hafa ekki stundað bardagaíþróttir áður og langar að prófa eitthvað nýtt. Á sama tíma stendur lengra komnum til boða ítarlegri þjálfun. Engar kröfur gerðar um afburðargott líkamlegt þol. Æfingarnar eru þó krefjandi og láta þarf þjálfara vita af meiðslum, veikindum og þess háttar áður en þjálfun er hafin. Umsækjendur þurfa að hafa hreina sakarskrá og að hafa náð 16 ára aldri. Ólögráða einstaklingar æfa einungis hjá okkur gegn skriflegu samþykki foreldris / forráðamanns.

​

Dagskrá

Í fyrsta mánuði verður þjálfað upp þrek og farið yfir undirstöðuatriði (líkamsstaða, högg, spörk, vörn og höfuðlása (e.clinch)).

Í öðrum mánuði verða kenndar mismunandi samsetningar á undirstöðuatriðunum og hvernig má nýta þær til þess að leggja gildrur fyrir andstæðinginn. Ríkari áhersla verður lögð á höfuðlása.

Í þriðja mánuði verða samsetningarnar hagnýttar í bardaga gegnum svokallað "sparr" þar sem iðkendur fá að prófa á móti hvor öðrum allt sem þeir hafa lært síðustu mánuði. 

Í fjórða mánuði er þyngsta áherslan lögð á sparr.

​

Búnaður

Grunnbúnaður fylgir aðstöðunni og því ekki krafa um að verða sér úti um ákveðinn búnað fyrir æfingar. Engum er þó hleypt í sparr án góms (e. mouthgard) og er það á ábyrgð iðkenda að verða sér úti um slíkan búnað. Í fjórða mánuði verður hjálmaskylda í sparri og útvegar þjálfari slíkan búnað nema annað sé tekið fram á æfingum.

 

ATH. Þetta námskeið hefst mánudaginn 16. september 2024 og lýkur fimmtudaginn 12. desember 2024